పెంబి, ఖానాపూర్ వెలుగు: పెంబి మండల కేంద్రంలో ఇటిక్యాల తండా గ్రామస్తుడు పరుశురాం స్మారకంగా నిర్వహించిన క్రికెట్ పోటీల్లో గుమ్మెన జట్టు విజేతగా నిలిచింది. పోటీల్లో మొత్తం 35 టీమ్స్ పాల్గొనగా.. గుమ్మెన, ఇటిక్యాల జట్లు ఫైనల్కు చేరాయి. గురువారం జరిగిన ఫైనల్లో ఇటిక్యాలపై గుమ్మెన జట్టు విజయం సాధించించినట్లు నిర్వాహకులు తెలిపారు. విజేతకు రూ.20 వేల నగదుతోపాటు ఫీల్డ్, రన్నరప్కు రూ.10 వేలు, షీల్డ్ అందజేశారు. కార్యక్రమంలో తహసీల్దార్ లక్ష్మణ్, ఎంఈవో రాంచందర్, ఎస్ఐ హన్మాడ్లు, కాంగ్రెస్ మండల అధ్యక్షుడు స్వప్నిల్ రెడ్డి తదితరులు పాల్గొన్నారు.
ఖానాపూర్ లో ముగిసిన కేపీఎల్ పోటీలు
ఖానాపూర్ పట్టణంలో 5 రోజులపాటు నిర్వహించిన ఖానాపూర్ ప్రీమియర్ లీగ్ (కేపీఎల్) క్రికెట్ పోటీలు గురువారంతో ముగిశాయి. ఈ పోటీల్లో మొత్తం 10 జట్లు పాల్గొనగా విజేతగా పవర్ పాంథర్, రన్నరప్గా చిరుత టీమ్లు నిలిచాయి. ఫైనల్లో తలపడ్డ రెండు జట్లకు నగదుతో పాటు మెమొంటోలు అందజేశారు.
